Protestantse Kerk
Trochgean nei de haadynhâld
Fynplak fan leauwe, hope en leafde
subline-curl
Tsjinstboek

Twadde snein fan Advint

pears

Gebed fan ’e snein (jier A-B-C)

Rop ús herten wekker, God,

dat wy wach binne

en bliid ree steane

om jo Soan te ûntfangen

en ien mei Him

Jo fan herten te tsjinjen.

Gebed fan ’e snein

Bekear ús ta Jo, o God,

en lit jo wurden

ús helpe om oan te nimmen,

dat jo tasizzingen wierheid wurde

mei de komst fan Jezus Messias

foar de hiele wrâld

en alle minsken dy’t dêrop wenje,

hjoed en alle dagen dy’t komme.

Amen.

Eingebed

Jo, dy’t fol ûntferming

ús libben yn jo hannen hâlde:

hear ús bidden

en lit jo skepping nij wurde.

Meitsje in ein oan de nacht

dy’t de wrâld fertsjusteret

en lit jo Soan it ljocht wêze,

dat wy inoar

mei nije eagen sjen kinne,

hjoed en alle dagen dy’t komme.

Amen.

Gebed fan ’e snein

Ivige God,

dy’t fan âlde tiden ôf

jo boadskip hearre lit

troch de mûle fan profeten,

lit ús yn Jezus Messias sjen

wat Jo mei ús wolle,

en meitsje in nij begjin

fan gerjochtichheid en wierheid

ûnder de minsken,

hjoed en alle dagen dy’t komme.

Amen.

Eingebed

Jo, dy’t ús hope binne

op it kommen fan jo ryk,

lit jo Wurd frucht drage

yn minsklike goedens,

yn fersoening tusken de folken,

yn in frede op ierde,

dy’t boppe ús ferwachting útgiet

en ivich wêze sil

om ’e wille fan Jezus jo Soan,

dy’t ús leafde foar jo Namme jout,

hjoed en alle dagen dy’t komme.

Amen.

Gebed fan ’e snein

Jo, dy’t troch de ieuwen hinne

oan minsken trou west hawwe,

kom ta ús

en lit jo Wurd ús oanreitsje.

Fernij ús libben troch Him

yn wa’t de nije dei begjint:

Jezus Messias, jo rjochtfeardige,

dy’t hope jout oan alle minsken

dy’t ûnder de sinne libje,

hjoed en alle dagen dy’t komme.

Amen.

Eingebed

Jo, dy’t ús lot te’n goede keare

as wetter yn ’e woestenije,

rjochtsje ûnder ús

tekens fan gerjochtichheid op

en lit de dei komme,

dat minsken en folken frede slute

en de ierde in hûs wurdt

dêr’t it feilich wenjen is,

om ’e wille fan Him

yn wa’t Jo ús hope fernije,

Jezus Kristus,

hjoed en alle dagen dy’t komme.

Amen.